Jorge Freitas bleift Trainer

Jorge Freitas bleift Trainer

Den FC Berdenia Berbourg confirméiert dass de Jorge Freitas och iwwert d'Wanterpaus eraus definitiv um Posten vum Cheftrainer bleift. Ugangs als Interimléisung geduecht a kuerzfristeg vum Co-Trainer zum temporaire Cheftrainer gemaach, soen sech déi Responsabel vum Club zefridden mam Jorge senger Aarbescht a mat der Entwécklung vun der Equipe. Dëst beleen och déi plakeg Zuelen an der Tabell. Mëtt September hat de de Jorge d'Equipe nom 4. Spilldag als Tabelleleschten mat 0 Punkten vu sengem Viirgänger Patrick Zöllner iwwerholl. Säitdeem huet d'Equipe 19 vu 27 méigleche Punkten am Championnat geholl (6 Matcher gewonn, 1 gläich, 2 verluer) a steet op der 6. Plaz mat 9 Puntken Ofstand zu de Barrageplazen no uewen an no ënnen. Ausserdeem si mir zwee Tier an der Coupe FLF weider komm an hunn - trotz Ausscheeden - och eng gudd Prestatioun géint d'Jeunesse an der Coupe de Luxembourg gewisen. 

De Veräin wënscht dem Jorge weiderhinn vill Succès mat senger Equipe. Mir si Berbuerg!